ئاگادارییەک لە بەرگری شارستانی پردێوە بۆ جوتیاران و هاوڵاتیان
بە مەبەستی پاراستنی بەرهەمی گەنمی جوتیاران و کەمکردنەوەی زیانە ماددییەکان لە کاتی دەستپێکردنی هەڵمەتی دروێنەدا، بەڕێوبەرایەتی بەرگری شارستانی لە ناحیەی ئاڵتون کۆپری و دەوروبەری، پلانێکی فریاکەوتنی خێرا ڕادەگەیەنێت و چەند تیمێکی ئاگرکوژێنەوەی لە ناوچە جیاجیاکاندا جێگیر کردووە.
شوێنی جێگیربوونی تیمەکانی ئاگرکوژێنەوە:
سەنتەری ناحیەکە: بنکەی سەرەکی بەرگری شارستانی ئاڵتون کۆپری.
ناوچە گوندنشینەکان: گوندی قەیاباشی و گوندی کلۆر (لەناو بنکەی پۆلیس).
ڕێگا سەرەکییەکان: مەفرەقی کڵۆزی.
داوا لە سەرجەم هاووڵاتیان و شۆفێران دەکرێت لە کاتی بینینی هەر ڕووداوێکی ئاگرکەوتنەوەدا، دەستبەجێ لایەنە پەیوەندیدارەکان ئاگادار بکەنەوە و هاوکار بن لە چۆڵکردنی ڕێگاوبانەکان بۆ ئۆتۆمبێلەکانی ئاگرکوژێنەوە تا لە کاتێکی پێوانەییدا بگەنە شوێنی مەبەست.
ژمارەکانی پەیوەندی و هێڵە گەرمەکان:
ژمارەی فریاکەوتنی یەکگرتووی وەزارەتی ناوخۆ: 911 (بێبەرامبەر)
ژمارەی مۆبایلی بنکەی بەرگری شارستانی ئاڵتون کۆپری: 07764878473
یان پەیوەندیکردن بە نزیکترین کارمەندی بەرگری شارستانی لە ناوچەکەتاندا.
