گەندەڵی لە وەزارەتی نەوت؛ دەست بەسەر ١١ ملیۆن دۆلار و ٤ ملیار دیناری بریکاری وەزیردا دەگیرێت
بەغداد — دادگای تاوانەکانی بەرەنگاربوونەوەی گەندەڵی ناوەندی لە عێراق، بازرگانیکردن و گەندەڵیەکی گەورەی دارایی لە نێو وەزارەتی نەوتدا ئاشکرا دەکات و دەست بەسەر بڕێکی خەیاڵی لە پارەی کاش و خانووبەرەدا دەگرێت.
ئەمڕۆ دووشەممە، دادوەری لێکۆڵینەوەی دادگاکە لە ڕاگەیەندراوێکدا ئاشکرای کرد کە لە ئەنجامی لێکۆڵینەوە سەرەتاییەکان لەگەڵ تۆمەتباری دەستبەسەرکراو (عەلی مەعارج سوێدج ئەلبەهادلی)، کە هاوکات بریکاری وەزیری نەوتی عێراقە بۆ کاروباری دابەشکردن، دەست بەسەر سامانێکی گەورەدا گیراوە.
زیاتر لە ١٦ ملیار دیناری کاش!
بەپێی زانیارییەکانی دەسەڵاتی دادوەری، ئەو بڕە پارانەی کە لە پرۆسەی لێکۆڵینەوەکەدا دەستیان بەسەردا گیراوە بریتین لە:
١١ ملیۆن دۆلاری ئەمریکی
٤ ملیار دیناری عێراقی
جگە لەم بڕە پارە کاشە، دادگای ناوبراو ئاماژەی بەوەش کردووە کە دەست بەسەر چەندین دەستەڵات و موڵکی خانووبەرەی گرانبەهای تۆمەتبارەکەدا گیراوە کە گومانیان لێدەکرێت لە ڕێگەی گەندەڵی و بەهەدەردانی سامانی گشتییەوە بەدەست هاتبێتن.
دادگای لێکۆڵینەوە ڕایگەیاند: "لێکۆڵینەوەکان لەگەڵ تۆمەتبار (عەلی مەعارج) هێشتا لە سەرەتادان و پڕۆسەکە بەردەوامی هەیە بۆ ئاشکراکردنی سەرجەم ئەو تۆڕ و کەسانەی کە تێوەگلاون."
جێی ئاماژەیە دۆسیەی گەندەڵی لە کەرتی نەوتی عێراقدا یەکێکە لە دۆسیە هەرە هەستیارەکان، و چاوەڕوان دەکرێت لە ڕۆژانی داهاتوودا وردەکاری زیاتر لەسەر ئەم کەیسە بۆ رای گشتی بڵاوبکرێتەوە.
