حکومەتی عێراق باجی لەسەر ئەم کاڵایە لابرد
ئەنجومەنی وەزیران باجی گومرگی لەسەر سیستمی وزەی خۆر لادەبات
ئەنجومەنی وەزیرانی عێراق بڕیارێکی نوێی لەبارەی هاوردەکردنی سیستمی وزەی خۆر دەرکرد و بەپێی بڕیارەکە، ڕەسمی گومرگی لەسەر تەواوی ئەو سیستم و کەلوپەلانە هەڵگیرا کە بۆ بەرهەمهێنانی وزەی پاک هاوردەی وڵات دەکرێن.
ئەم هەنگاوەی حکومەت بە ئامانجی پاڵپشتیکردنی کەرتی تایبەت و هاندانی هاووڵاتییانە بۆ بەکارهێنانی وزەی نوێبووەوە و کەمکردنەوەی ئەرکی سەر تۆڕی نیشتمانیی کارەبا.
گرنگترین خاڵەکانی بڕیارەکە:
سفرکردنەوەی باج: هەڵگرتنی تەواوی ڕەسمی گومرگی (0%) لەسەر سیستم و پارچەکانی وزەی خۆر کە هاوردەی عێراق دەکرێن.
پاڵپشتی کەرتی تایبەت: ئاسانکاریکردن بۆ کۆمپانیاکان تاوەکو بە تێچوویەکی کەمتر ئامێرەکانی وزەی پاک بگەیەننە بازاڕ.
هاندانی هاووڵاتییان: کەمکردنەوەی تێچووی کڕینی سیستمی وزەی خۆر بۆ ماڵان و شوێنە بازرگانییەکان.
